በየምሽቱ ከጎጆው ደጃፍ፤ የአርሶ አደሮች እንጉርጉሮ
የስነቃል ምንጩ፤ የስነ ግጥም መፍለቂያው ገጠር ነው፡፡ አርሶ አደሮች እርሻ አብቅተው ለበሬዎቻቸው ገለባና ጭድ በግርግም ውስጥ አፍስሰው በርኖስ ወይ ጋቢ ተከናንበው የሚያቀነቅኑት ቅኔ፤ የሚወጣቸው ዜማ ተፈጥሯዊ ውበት የተላበሰ ነው፡፡ ብሶታቸውን በስነ ግጥም እንጉርጉሯቸውን በዜማ በምሽት ሲያወርዱት ልብ ይነካል፤ ይመስጣል፡፡ ጢስ ከሚጤስበት ጎጇቸው ደጃፍ ላይ በምሽቱ አረፍ ሲሉ እልሃቸውን በወርቃማው ዘይቤያቸው ለማቲዎቻቸው ያወርሳሉ፡፡ በተለይ ኢሕአዴግ ደርግን ደምስሶ የወሎና የጎንደር አካባቢዎች የነፃነት አየር መተንፈስ እንደጀመሩ የአርሶ አደሮች የቅኔ አዝመራ በእጅጉ አብቦ ነበር፡፡ ለቅምሻ ያህል እነሆ፤
የደርግ አስከፊ ስርዓት ወድቆ የነፃነት አየር መተንፈሳቸውን ለመግለፅ እንዲህ ብለዋል፤
የጭቆና ቀንበር ከብዶ በላያችንበግብር በጉቦ አልቆ ንብረታችንበጦር በሰፈራ አልቆ ወገናችንመጣልን ኢሕአዴግ የነፍስ አባታችን፡፡
ለደርግ የቀይ ሽብር ዘመቻ ደግሞ፤ለገዥ መደቦች ደንታ ለሌላቸውእዳ በዝቶብናል ይቀነስ ቢሏቸውእንኳን የመፍትሄ መልስ ሊሰጧቸውባደባባይ መሃል ቀይ ሽብር መቷቸው፡፡
የሚል ስንኝ ሰፍሮለት ነበር፡፡ በ1977 የድርቅ ወቅት የኢሠፓ ሹማምንት የእርዳታውን እህል ሲዘርፉ በግላጭ የተመለከተ አርሶ አደር ትዝብቱን በ6 ስንኝ ቋጥሮ ጨርሶታል፡፡
ርሃብ ፀንቶብን በሰባ ሰባትእርዳታ ቢመጣ ባማራ ሳይንትሳያሳዝናቸው የፍጥረቱ እልቂትየኢሠፓ አባላት በስንዴው ዱቄትእያለቀ ሕዝቡ ቤት አሰሩበትውስኪ ጠጡበት፡፡
ጉቦ ሲበሉ ከርመው ኢሕአዴግ ሲመጣ የሹመት መንደራቸውን ጥለው በፈረጠጡ ባለስልጣኖች ላይ ደግሞ አርሶ አደሩ እንዲህ ሲል አላግጦባቸው ነበር፡፡
የኢሠፓ አባላት አነምስ ቀበርየሰው ፊት እያዩ ትልቅ አይከበርየሚመለከቱት እጅ ብቻ ነበር፡፡ለጭቁን አይራሩ ለድሆች አይረዱበየመስሪያ ቤቱ ሰውን ሲያዋርዱብር ብር ሲሉ በጉቦ ሲፈርዱእዩት ምኞች አይቀር ብር ብለው ሄዱ፡፡
ሳይሰሩ ሳይለፉ ሕዝቡን ገፈው ገፈውኢሠፓ ነን ብለው እነሱው ለፍልፈውእግራቸውን እንጨት ድንገት ቢያነቅፈውእንዴት ብለው ሄዱ እንቁላል ታቅፈውኢሕአዴግ በጥይት ቢያሳጣው መድረሻተሯሯጠ ደርጉ እንዳበደ ውሻ፡፡
እንዲያም ሆኖ የደርግ ባለስልጣናት አምልጠው እንደማይቀሩና ለፍርድ መቅረብ እንዳለባቸው በተለመደው ውብ ልሳኑ አርሶ አደሩ ያስጠነቅቅ ነበር፡፡
አጥንታችን ሲቀር ስጋችን ተልጦጅማታችን ሲቀር ደማችን ተመጦመናገር ቀርቶብን ቋንቋችን ተረግጦየት ነው የሚያመልጠን ደርጉ ተሯሩጦ፡፡ወጣት በጦርነት እንደ ጥሬ ታፍሶየእናት የአባት እንባ እንደ ውዮ ፈሶእንግዲህ መንግስቱ አይመጣም መልሶ፡፡
እንኳን መሪ አግኝተን ትጥቃችን ሲሟላደርግን ለመደምሰስ ይህን የሰው በላእንታገላለን በድንጋይ በዱላ፡፡
ደርግ የወሎና የጎንደር አካባቢዎችን ለቆ የወጣ ሰሞን በሄሊኮፕተር የሚበትናቸውን የቅስቀሳ በራሪ ፅሁፎች አርሶ አደሩ አላግጦባቸዋል፡፡ ለእነሱም ቢሆን የፈገግታ ቅኔ አላጣላቸውም፡፡ እንዲህ ሲል፤
መንግስቱ ሲዳከም ሲታየው ድቀትአይሉት ሰላምታ አይሉት ናፍቆትይነሰንስ ጀመር ብጣሽ ወረቀትአንዳትቀበለው ሕዝቡ ንቃበት፡፡ደብዳቤስ ለመፃፍ የኔም ልብ ይመኛልታዲያ ወረቀቱን ማን ያደርስልኛል?
አትጨነቅ ደርጉ አይሸበር ሆድህአትርጭ ወረቀትህን በወዲያ በወዲህእጅን የሚያወጣው እጅ ነው እንግዲህኢሕአዴግ ላይተውህ እኛም ላንሰድህ፡፡
No comments:
Post a Comment