EPRDF is a ruling party committed to realize Ethiopia's Renaissance.

Thursday, 3 May 2018

ትናንት የዛሬ መሰረት ነው


 

ኤፊ ሰውነት
በተለያዩ የታሪክ አጋጣሚዎች ዓለም ግራ በተጋባበት ወቅት ነገን ዛሬ ላይ አሻግረዉ መተለም የቻሉ ባለ ራዕዮች የማንም አካል ድጋፍ ሳያሻቸው ለአገራቸው ብሩህ መጻኢ እድል መፈንጠቅ ወሳኝ የሆነውን እርምጃ በመውሰድ የተረጋጋችና ለሁሉም የተመቸች አገር መፍጠር ችለዋል፡፡ ይህም በጎ ስራቸው በታሪክ ሲወሳ፤ ትውልድም ሲማርበት ይኖራል፡፡ እንደ ሌሎቹ  ሀገራት ሁሉ መሰል የታሪክ ክስተት በእኛም ሀገር ተፈጥሯል፡፡

ወቅቱ 1983ዓ.ም ነው፡፡ የኢፌዴሪ ህገመንግስት እውን ሲሆን ዓለም በዘመመበት ከመዝመም፤ ዓለም በተነፈሰበት ሳምባ ከመተንፈስ ይልቅ በራሳችን መንገድ ለራሳችን የሚበጀንን መንገድ የቀየስንበት፤ ከአገራችን ተጨባጭ ሁኔታ ጋር የሚሄድ የልማትና የዴሞክራሲ መስመር ለይተን ለመጓዝ በታሪክ ፊት አንድ ያልንበት ወቅት ነው፡፡

ከሩብ ምእተ-ዓመት በኋላ አገራችን ዘርፈ ብዙ ሁለንተናዊ እድገት ላይ የምትገኝ፣ የተረጋጋችና  እንዲህ በርካታ የለውጥ ፍላጎቶችን ማስተናገድ የሚችል ቁመና ላይ ከመድረሷ በፊት ዜጎቿ ህልውናቸዉ በመኖርና ያለመኖር አጣብቂኝ ውስጥ በነበረበት ጊዜ አምባገነንነትን ላይመለስ በመቅበርና ዴሞክራሲያዊ ስርዓት እንዲሰፍን ዋጋ የከፈሉ የቁርጥ ቀን ልጆች ትናንት የከፈሉትን ከባድ መስዋዕት ታሪክ መቼም አይዘነጋውም፡፡ ጥቂቶች ግን ሩቅ ህልም የነበራቸው ወላጆች ገና አፍላ የወጣትነት እድሜያቸውን እንኳን በቅጡ ያላጣጣሙ ያውም ባለ በሌለ አቅሙ አስተምሮ ነገ እንደሚጦረው በተስፋ ይጠብቅ የነበር እልፍ አእላፍ፤ ለፍቶ አዳሪ ቤተሰብ ባለበት ዘመን ነው ዛሬን የተሻለ ለማድረግ አፍላ ልጆቻቸውን ወደ ነበልባል እሳት ለመማገድ የቆረጡት፡፡ ለነገሩ ዛሬን በትናንት ውስጥ ማየት ካልተቻለ ጣእሙን እንዴት ማጣጣም ይቻላል፡፡ ነገንስ ያለትናንትና ዛሬ እንዴት ማሳመር ይቻላል፡፡ እናም ዛሬ ትናንት ከነበረው የተለየው፤ ትናንት በተከፈለው መሪር መስዋዕትነት፤ ትናንት በተረጋገጠው ዴሞክራሲያዊ ስርዓት መሆኑ ግልፅ ነው፡፡

ይህን ለፅሁፌ መነሻ ያህል ካልኩ ኢህአዴግ በአገራችን ባለፉት ሁለት ዓመታት እንደ አገር ተጋርጦ የነበረውን አደጋ ለመመከት የወሰዳቸውን ርምጃዎች በወፍ በረር በመዳሰስ ዛሬ ላይ የደረስንበትን ሁኔታና ለድርጅታችን ያለውን አንድምታ እንመለከታለን፡፡ 

የኢሕአዴግ ችግሮችን ነቅሶ የማውጣት ብስለት 

ኢሕአዴግ የ15 የተሃድሶ ዓመታትን አሁን ከደረስንበት ሁለንተናዊ ለውጥ ጋር በማቆራኘት እየገመገመ ባለበት ማግስት በአገራችን የተከሰተው ሁለንተናዊ የለውጥ ፍላጎትን መሰረት ያደረገ ንቅናቄ ሂደቱን በበለጠ ትኩረትና ፍጥነት እንዲካሄድ እድል የሰጠው መሆኑ ይታወሳል፡፡ ሁሌም ቢሆን ችግሮችን ወደ ውስጥ የመመልከት ተፈጥሯዊ ባህሪ ያለው ኢሕአዴግ በወቅቱ የተፈጠሩት ችግሮችን ኢሕአዴጋዊ በሆነ አካሄድ ለመፍታት ያላሳለስ ጥረት አድርጓል፡፡ ለዚህም በግምባሩና በብሄራዊ ድርጅቶች በተናጥል የተለያዩ አካባቢዎች የተነሱ ግጭቶችን መነሻ በማድረግና ከህዝቡ ይነሱ የነበሩ የመልካም አስተዳደር ጥያቄዎችንና ማስተካከያዎችን ጭምር በጥልቀት ሲገመግም መቆየቱ ግልፅ ነው፡፡ በወቅቱ ኢሕአዴግ የተሃድሶ እንቅስቃሴውን በተመለከተ ሲሰጥ በነበረው ጋዜጣዊ መግለጫ እንዳመላከተው ኢህአዴግ ባለፉት የተሃድሶ ዓመታት በስኬት የሚገለፁና ድክመቶቼ ናቸው በሚል ችግሮችን ነቅሶ በማውጣት እርምጃዎችን መውሰድ የጀመረበት ሁኔታ ውስጥ መግባቱ ይታወሳል፡፡ 

በድርጅታችን የተለያዩ ሰነዶች ላይ በግልፅ እንደተመላከቱት የኪራይ ሰብሳቢነት ፖለቲካል ኢኮኖሚ በልማታዊ ፖለቲካል ኢኮኖሚ እስካልተደፈቀ ድረስ አገራችን ልማቷም ሆነ ሰላሟ ብሎም የዴሞክራሲ ስርዓት ግንባታ ሂደቷ ተሸመድምዶ የመወድቁ ጉዳይ አጠያያቂ አይደለም፡፡ ባለፉት ጊዜያት የተደረጉ የተሃድሶ ግምገማዎችም በአገራችን የተከሰቱት ግጭቶች በተለይ ህገመንግስታዊ የሆነው የሰዎችን ተዘዋውሮ የመስራትና የመኖር መብትን ጭምር የነካ በዚህም በርካታ ዜጎች ለመፈናቀል የተዳረጉበት መሆኑ መነሻው የኪራይ ሰብሳቢነትን ችግሮች መድፈቅ ባለመቻሉ፤ ገና በማደግ ላይ ያለውን የፌዴራሊዝም ስርዓት አዛብቶ በመተርጎም የተለያዩ ሃይሎች ለግጭት መነሻ እንዲሆን ስለተጠቀሙበት መሆኑ ግልፅ ነው፡፡   

ኢሕአዴግም በተሃድሶ ግምገማው እንዳስቀመጠው የኪራይ ሰብሳቢነት፣ የሙስናና የብልሹ አሰራሮች ከዚህ ጋር ተያይዞ ህገ ወጥነት እንዲስፋፋ እያደረጉ ያሉ የኮንትሮባንድ ትስስሮች መሆናቸውን በግልፅ በመስቀመጥ ከእነዚህ ችግሮች ጋር በተያያዘ የሚከሰቱ ህገ ወጥነቶችን ለማስታገስ አስፈላጊውን ትግልና እርምጃ እንደሚወሰድ አፅንዖት ሰጥቶ እንደሚሰራ ማስታወቁ የሚታወስ ነው፡፡ ከዚህ በተመሳሳይ የኢሕአዴግ ስራ አስፈፃሚ ኮሚቴ ባድረጋቸው ስብሰባዎች የወጭ ንግድ፣ የወጣቶች የስራ እድል ፈጠራ አለመጠናከር፣ የመልካም አስተዳደር እጦትና የስልጣን እይታ ብልሽቶች ችግሮች መስተካከል እንደሚገባቸውና ለዚህም መላው አባላትና አመራሩ መስራት እንደሚገባው ማመላከቱ ሁላችንም የምናስታውሰው ነው፡፡ ይህ እንግዲህ ኢህአዴግ እንደ መሪ ድርጅት በአገሪቱ የተጋረጠውን አደጋ እልባት ለመስጠት የወሰደው የመጀመሪያ እርምጃ እንደሆነ መገንዘብ ይቻላል፡፡

ኢሕአዴግ አገር የማስተዳደር ስልጣን በተረከበበት ማግስት አገራችን ለሁሉም ብሄሮች ብሄረሰቦችና ህዝቦች እኩል መብትና እውቅና የሰጠ ህገመንግስት እውን ከማድረግ ባሻገር አገራችን ህግና ስርዓት ባለው መንገድ እንድትመራ ማድረግ ችሏል፡፡ ምንም እንኳ የወጣቶችም ሆነ የሌላው የህብረተሰብ ክፍል የለውጥ ፍላጎትና የፍትሀዊ ተጠቃሚነት ጥያቄ እየጨመረ የመጣ ቢሆንም በአገራችን ዘርፈ ብዙ የለውጥ ስራዎች ተከናውነዋል በዚህም ወጣቶችን ጨምሮ መላው የአገራችን ህዝብ ተሳታፊነቱንና ተጠቃሚነቱን ማረጋገጠ ተችሏል፡፡  እኔ በግሌ ትላንት ከመጣነበት ውስብስብ አገራዊ ሁኔታ አንፃር የተመዘገበው ሁለንተናዊ ለውጥ ከነችግሩም ቢሆን ለነገ መዳረሻችን መሰረት ነው የሚል መረዳት አለኝ፡፡

Saturday, 21 April 2018

ፍሎረንስ እና ጉባ ምንና ምን ናቸው?


(በሚሚ ታደሰ)
በአዉሮፓ ታሪክ ዉስጥ መካከለኛዉ ዘመን ተብሎ የሚታወቀዉ ጊዜ የአውሮፓ አህጉር፤ በተለይም ምእራብ አዉሮፓ ከዳር ዳር እግር ከወርች በያዘዉ የጨለማ ዘመን (The Dark Age) ዉስጥ ድህነት፤ ርሀብ፤ በሽታ፣ እርዛትና ተስፋ ማጣት አሽመድምዶት ታሪክ በማይዘነጋዉ የሰቆቃ ጊዜን ለመቶ አመታት ያለፈበት ዘመን ነዉ፡፡ የመቶ አመቱ ጦርነትና የሮማን ኢምፓየር መፈረካከስ የተገለጠበት፤ የእርስ በእርስ መተላለቅ፣ መሀይምነት፣ ርሀብ፣ ተስቦ፣ ወዘተ… አዉሮፓን ወደ ሙት አዉድማነት የቀየረበት፤ አዉሮፓዉያን የማይዘነጉት የሰቆቃ ጊዜ ነበር፡፡

Friday, 30 March 2018

በርካታ ልዩነቶች ቢኖሩንም በኢትዮጵያችን አንድ ነን!



አደም ሀምዛ
ኢትዮጵያችን አሁን ላይ ሀገራዊ ኢኮኖሚዋን በዓመት በአማካይ በሁለት አሃዝ የእድገት ምጣኔ በማሳደግ በተጨባጭ ፈጣን ኢኮኖሚያዊና ዘርፈ ብዙ ሀገራዊ እድገት በማስመዝገብ በአዲስ የህዳሴ ምዕራፍ እየተጓዘች ትገኛለች፡፡ የሀገራችን ፈጣን የእድገት ግስጋሴ ከምንጠብቀው የብልፅግና ግብ አንፃር ገና በሂደት ላይ የሚገኝና በዜጎች ሰፊና የነቃ ተሳትፎ ረጅም ርቀት መጓዝ የሚኖርበት ቢሆንም የእስካሁን ውጤቶቹ ስኬታማነቱን በግልፅ የሚያሳዩ ናቸው፡፡ ይህን እውነታ እራሳችን ከመመስከርም አልፎ የሀገራችን ፈጣንና ተከታታይ እድገት በርካታ ሀገራትን ጨምሮ በተለያዩ አህጉራዊና አለማቀፋዊ ተቋማትና እንዲሁም በምጣኔ ሃብትና መሰል የሙያ ዘርፎች ላይ ጥናትና ምርምር በሚያደርጉ ታዋቂ ግለሰቦች ዘንድ ታላቅ እውቅናና አድናቆትም እያገኘ ይገኛል፡፡ በተመሳሳይ እነዚህ ተቋማትና ግለሰቦች የሀገራችንን ፈጣንና ስኬታማ እድገት ከማሞገስም ባለፈ በተለይም በአንዳንድ ዘርፎች ያስመዘገብነው ስኬታማ ሀገራዊ የእድገት ተሞክሮን በበርካታ መድረኮች ላይ ለሌሎች መሰል ሀገራትም የእድገት አማራጭ ተሞክሮ ሆኖ እንዲያገለግል እንዲሁ ምክረ ሀሳባቸውን እንዲሰጡ እያደረገ ይገኛል፡፡
በአጠቃላይ የእድገት ስኬታማነታችን ከሚያገኘው እውቅናና አድናቆትም በተጨማሪ በርካታ ሀገራትንና አለም አቀፍ የፋይናንስና የኢንቨስትመንት ተቋማትን የልማት አጋር በማድረግ ቀጥታ የውጭ ኢንቨስትመንት ወደ ሀገር በመሳብ የንግድና የገበያ ትስስር በከፍተኛ መጠን እየፈጠረ ለመሆኑ ሌላኛው የሚታይ  እውነታ ሆኖ እናገኘዋለን፡፡ ይህም በታዳጊ ደረጃ ላይ የሚገኘው ሀገራዊ እድገታችን እስካሁን ባልፈታቸው የዜጎች የልማት ጥያቄዎች ብቻ በመታጠር ችግሮችን በማጉላት የእስካሁን ስኬችን የሚክዱም ይሁን ቀጣዩን የሀገሪቱንና የዜጎቿን የእድገት ተስፋ በጨለምተኝነት የሚያዩና እንዲታይ የሚሹ አካላትን ለትልቅ ትዝብት በመዳረግ በሀገር ውስጥና በውጪ በተለያዩ ሀገራት በሚኖሩ ዜጎችና በአለምአቀፉ ማህበረሰብ ተዓማኒነት እንዳይኖራቸው ያደረገ ነው፡፡  
አስቀድመን ከምንታወቅበት እጅግ ኋላቀር የኢኮኖሚ ስርዓትና አስከፊ የድህነት ሁኔታ ፈጥነን ለመውጣት ላለፉት ሁለት አስርተ ዓመታት በላይ ኢህአዴግ በሚከተለው ዴሞክራሲያዊና ልማታዊ የፖለቲካ ስርዓት እና ድርጅትታዊ የአመራር ፍልስፍና እየተመራን በተለይ በመጨረሻዎቹ 15 ዓመታት በተከታታይ እየተመዘገበ በሚገኘው ባለሁለት አሃዝ ፈጣን የእድገት ምጣኔ አማካኝነት ዘርፈብዙ እድገቶችን በኢኮኖሚውና በማህበራዊ መስኮች እያስመዘገብን በህዳሴ ጉዞ ላይ እንድንገኝ አስችሎናል፡፡ ከእነዚህ ኢኮኖሚያዊና ማህበራዊ እድገቶች በተጨማሪ ከምንገኝበት ከምስራቅ አፍሪካ ያልተረጋጋ የሰላም፣ የፖለቲካና የኢኮኖሚ ቀውስ ቀጠና በተለየ ሁኔታ በሀገራችን ከጅምሩ አንስቶ አስተማማኝና ዘላቂ ሰላም እንዲሰፍን እና የመድብለ ፓርቲ ዴሞክራሲ ስርዓት ዋስትና እንዲያገኝ ለማድረግ ተችሏል፡፡
ከእስካሁኑ የሀገራችን የህዳሴ ጉዞ በመነሳት በአንድ በኩል እየተመዘገቡ በሚገኙ የለውጥና የእድገት የልማት ድሎች በርካታ የሀገሪቱን ዜጎች ከነበሩበት አስከፊ ድህነት በማላቀቅ ተጠቃሚ እያደረጋቸው ሲሆን የዜጎችን የልማትና የእድገት ተደራሽነት በአይነትና በመጠን በማስፋት እንደ ሀገር ጠንካራና ተወዳዳሪ የኢኮኖሚና የዴፕሎማሲ አቅም እያጎናጸፉን በመሄድ ላይ ይገኛሉ፡፡ በሌላ በኩል እንደሀገር አሁን ላይ በግንባታ ሂደት ላይ የሚገኙና በቀጣይ ተጠናቀው መላ ህዝባችንና ሀገራችንን በቀጥታም ይሁን በተዘዋዋሪ ተጠቃሚ ማድረግ ከሚችሉ በርካታ ሰፋፊ ሀገራዊ የልማት ፕሮጀክቶች ከሚፈጥሩት ተጨማሪ የልማት አቅም ጋር የሀገራችን የህዳሴ ጉዞ በተስፋ የተሞላና ማንኛውም ዜጋ ይህን እውን ሆኖ ማየትን እንዲጓጓ የሚያደርግ እንደሆነ እንገነዘባለን፡፡
በስኬት እየተጓዘ የሚገኘውና ፍፃሜውንም ለማየት አጓጊ የሆነው የሀገራችን የህዳሴ ጉዞ ከላይ ከገለፅናቸው አዎንታዊ እውነታዎች በተጨማሪ እንደሀገር ከውስጣችን ከሚፈጠሩና ከውጭም ከምንገኝበት ከምስራቅ አፍሪካ ያልተረጋጋ የፖለቲካና የኢኮኖሚ ቀጠና አንስቶ ተለዋዋጭና ውስብስብ አለም አቀፋዊ ሁኔታዎች በሚያስከትሉት አሉታዊ ተፅዕኖዎች በቀጥታም ይሁን በተዘዋዋሪ ህዳሴያችንን የሚያጨልሙ በርካታ ተግዳሮቶች መኖራቸውንና በቀጣይም ውስብስብና ተለዋዋጭ ባህሪያቸውን ይዘው ሊቀጥሉ እንደሚችሉ በሚገባ መገንዘብ ተገቢ ይሆናል፡፡
እነዚህ ምንጫቸው ከውስጥና ከውጭ ሊሆን የሚችል ሀገራዊ ስጋቶችና ተግዳሮቶች በአይነትና በመጠን እንዲሁም በውስብስብ ባህሪያቸውና በተፅዕኖ ደረጃ የሚኖራቸው መለያየት እንደተጠበቀ ሆኖ አስቀድመውም የነበሩና በቀጣይም ተለዋዋጭ ባህሪያቸውን ጠብቀው እንደወቅቱ ሁኔታ በሀገራችን ሊከሰቱ መቻላቸው በተመሳሳይ ቀጣዩን የህዳሴያችን ጉዞ ስኬታማነት ለማስቀጠል የሚደረገውን ሀገራዊ ትግል እንዲሁ ከባድና ውስብስብ እንዲሆን ያደርገዋል፡፡
ኢህአዴግ እንደሀገር ለሚፈጠሩ በተለይም ለውስጥ ችግሮቻችን ቅድሚያ በመስጠት በአይነትና በመጠን ለይቶ በቂና ጥልቅ ትንታኔ በማድረግ እንደወቅቱ ሁኔታ ሳይንሳዊና ድርጅታዊ መፍትሔ እየሰጠ፣ ከጠንካራ ክትትልና ግምገማ መነሻ ቀጣይነት ያለው ርብርብ ማድረግ ውስጣዊ ችግሮቻችንን በሚገባ ለመቅረፍ ከማስቻል አልፎ ሀገራዊ ተጋላጭነትን በአስተማማኝ መቀነስና ከፍ ባለ ደረጃሌሎች ውጫዊ ተግዳሮቶችን አደጋ መመከት ያስችላል የሚል ጠንካራ እምነት በመያዝ ባደረጋቸው እንቅስቃሴዎች እንደሀገርና እንደመሪ ድርጅት በርካታ ስኬቶችን በመጎናፀፍ ለህዝቡ በተግባር ጭምር የመፍትሔ ድርጅት እንደሆነ በሚገባ አሳይቷል፡፡
ኢህአዴግ የሀገሪቱንና የህዝቡን የረጅም ጊዜ ምኞት የነበረውን ዴሞክራሲያዊና ልማታዊ የመንግስት አስተዳደር ገና ከጅምሩ እውን በማድረግ በሁሉም ዘርፎች እድገትና ስርነቀል ለውጥ እንዲመጣና እንደድርጅት ፖለቲካዊ ቁመናው እንዲገነባ በማድረግ ረጅም ርቀት እየተጓዘ ቢሆንም በሌላ በኩል በርካታተቃዋሚ ፓርቲዎች የዚህ ሀገራዊ ለውጥ ባለቤት በመሆንና የመድብለ ፓርቲ ዴሞክራሲ ስርዓቱ እንዲጠናከር የነበራቸው አስተዋፅኦ ጎልቶ የሚታይ አልነበረም፡፡ በተቃራኒው እንደድርጅት ጠንካራና ተወዳዳሪ በመሆን ለህዝቡ አማራጭ በመሆን ከመቅረብና በተለያዩ ሀገራዊ ጉዳዮች ዙሪያ ፖለቲካዊ ትግል በማድረግ ሀገራዊ አስተዋፅኦ ከማበርከት ይልቅ ለሚያጋጥማቸው የውስጥ ችግር ጭምር ድርጅታዊ መፍትሔ መስጠት ተስኗቸው ሲፍረከረኩና ሲበተኑ ችግሮቻቸውን በተደጋጋሚ ውጫዊ በማድረግና አልፎም አንዳንዶቹ ኢህአዴግን ጭምር ለዚሁ ተጠያቂ በማድረግ ወቀሳ ሲያቀርቡ የሚስተዋሉ ናቸው፡፡
በአጠቃላይ የሀገራችን ተቃዋሚ ፓርቲዎች ጥንካሬና ዴሞክራሲያዊነት ያለመጎልበት እንደፓርቲ ከራሳቸው ባለፈ እንደሀገር ሁሉንም ተጠቃሚ ለሚያደርገውና ከጅምሩ አንስቶ በውጤቶቹ በርካቶችን ተጠቃሚ ማድረግ የጀመረውን ሀገራዊ የእድገትና የዴሞክራሲ ስርዓት ግንባታ ጉዞ ረጅም ርቀት እንዲጓዝና ጠንካራ ሀገራዊ መግባባት እንዲፈጠር በማድረግ የሚጠበቅባቸውን ሀገራዊ ኃላፊነት በሚገባና በሰለጠነ አግባብ ማበርከት እንዳይችሉ አድርጓል፡፡ በሀገራችን የመድብለ ፓርቲ ዴሞክራሲ ስርዓት እውን መደረግ ከጀመረ ከሁለት አስርተ ዓመታት ቢቆጠርም የፖለቲካ ድርጅቶች በተናጠል ፖለቲካዊ አቅምና ቁመና በመፍጠርም ይሁን እንደሀገር በመካከላቸው የእርስ በእርስ መስተጋብር በመፍጠር ጠንካራ ሀገራዊ መግባባት ለመፍጠር የደረሱበት ቁመና የእድሜውን ያህል ያላደገና በበርካታ ችግሮች የታጠረ ሆኖ እናገኘዋለን፡፡
ለዚሁ ነው በሀገራችን የሚገኙ ሁሉም የፖለቲካ ፓርቲዎች ሁሌም ፖለቲካዊ የሀሳብ ልዩነቶቻቸው እንደተጠበቁ ለሀገርና ለህዝብ ጥቅሞች ቅድሚያ ትኩረት በመስጠትና በትልቅ ሀገራዊ ኃላፊነት ተልዕኳቸውን በሚገባ ፈጥነው ተግባራዊ ሊያደርጉ እንደሚገባ ማስገንዘቡ አስፈላጊ የሚሆነው፡፡ ሁሉም የሀገራችን የፖለቲካ ድርጅቶች ከምንምና ከማንም በላይ ቅድሚያ ለዜጎችና ለሀገር ጥቅም ብቻ በመስጠት በተናጠል እንደድርጅትም ይሁን እንደሀገር እርስ በእርስ በመካከላቸው የሚያደርጉት ትክክለኛ መርህንና ህጋዊ አካሄድን መሰረት ያደረገ ፖለቲካዊ እንቅስቃሴና ትግል ጠቀሜታው ከፍተኛ ሲሆን በተለይም አሁን ላይ ካጋጠመው አለመረጋጋት ጋር ተያይዞ ለሀገራችን ከሚኖረው ጉልህ ሚና አንፃር ወቅታዊና ትልቅ ጉዳይ ተደርጎ የሚወሰድ ይሆናል፡፡
ከዚህ አንፃር እንደሀገር ከቅርብ ጊዜ አንስቶ የተጀመረውና በፖለቲካ ፓርቲዎች መካከል ተቀራርቦ ለመስራትና በሰለጠነ አግባብ በመካከላቸው የሚኖሩ ፖለቲካዊ የሃሳብ ልዩነቶችን በክርክርና በውይይት ትግል ለማድረግ እየተሞከረ ያለውን ጥረት በተሻለ ጥንካሬ ለማስቀጠልና ወደ ውጤት ለማሸጋገር ሁሉንም ህጋዊ ፓርቲዎች አባል ሆነው እንዲቀጥሉ ከማድረግ አንስቶ ሌሎች አስፈላጊነት ያላቸውን እርምጃዎች በመለየተ ተግባራዊ እንዲሆኑ በሁሉም ዘንድ ተገቢው ርብርብ ሊደረግ ይገባዋል፡፡ በዚህም በወቅታዊነት ያለንበትን ሀገራዊ አለመረጋጋት በዘላቂነት እንዲፈታ እየተደረገ ያለውን ጥረት ለማገዝና እንደድርጅት በርካታ፣ ጠንካራና ሀገራዊ ተወዳዳሪ ፓርቲመፍጠር ጠንካራ መሰረት ለመጣል ተጨማሪ ሀገራዊ አቅም እንዲፈጠር ከማድረግ ባለፈ በጊዜ ሂደት እንደሀገር ጠንካራ የመድብለ ፓርቲ ዴሞክራሲንና ሀገራዊ መግባባትን መገንባት ያስችላል፡፡
እንደሀገር ካለንበት የሁከትና ያለመረጋጋት ሁኔታ በዘላቂነት ለመውጣትና ቀጣይነት ያለው ሀገራዊ መግባባት እየተገነባ እንዲሄድ ትልቅ ድርሻ የሚጫወተውን ምክንያታዊ ዜጋ በተለይም በወጣቱ የህብረተሰብ ክፍል ዘንድ መፍጠር ወሳኝ ነው፡፡ የጥፋት ኃይሉ በርካታ የህብረተሰብ ክፍሎችን በተለይም ወጣቱን ፍፁም ስሜታዊ እንዲሆን አድርጎ በማነሳሳት እንደሀገር የምንታወቅበትን ብዝሃነታችንን ተከትሎ ለረጅም ዘመናት አብሮ የኖረውን ተከባብሮ የመኖር ጠንካራ እሴቶችን በሚንድ አግባብ በብሔሮች መካከል ቁርሾ በማስነሳትና እርስ በእርስ በማጋጨት  የንፁኋን ዜጎች ህይወት እንዲቀጠፍና የአካል ጉዳት እንዲደርስ ከማድረግ አንስቶ በርካታ የሀገርና የህዝብ ሃብትና ንብረት ውድመት አሁን ላይ እየሆነ ያለውን ጨምሮ በተለያዩ ወቅቶች እንዲከሰቱ የሚያደርጉ ተግባራት እንዲፈፀሙ በማድረግ ላይ ነው፡፡
በሀገራችን አሁን ላይ በተጨማጭና በግልፅ እየታየ ያለው የዜጎችን ህይወት እያጠፋና አካል እያጎደለ እንዲሁም ሀገራዊ የኢኮኖሚ እድገታችን በዝቅተኛና በጀማሪ ደረጃ ላይ ያለ ከመሆኑ ጋር በተያያዘ በርካታ የህብረተሰቡ የልማት ጥያቄዎች በአግባቡ ባለተመለሱበት ሁኔታ ከፍተኛ መጠን ያላቸውን የህዝብንና የግለሰቦችን ሀብትና ንብረት እያወደመና ከአገልግሎት ውጪ እያደረገ ያለ የጥፋት ኃይሎች ተልዕኮና ተግባሩ ጥፋት ውጤቱም ጉዳትና ተጎጂ ብቻ የሆነ የኋልዮሽ ጉዞን የሚያከትል የዜሮ ድምር ብቻ ሳይሆን አሁን ላይ እንደሀገርና ህዝብ ለደረስንበት ተጨባጭ እውነታ ፍፁም የማይመጥነን፣ አወዳሚና የከሰረ የፖለቲካ ጫዋታ ነው፡፡
እውነታው ይህ ሆኖ ሳለ ታዲያ ይህን ሁሉ ጥፋት እንደሀገር ለምን ፈቀድን ስንል የምናገኘው እየሆነ ያለው ሁሉ በምክንያታዊነት መሆኑ ቀርቶ እይታችንን እንደሀገር ሳይሆን ግላዊና ቡድናዊ አድርገን በመጥበብ በስሜታዊነት እየተመራን መሆኑ ነው፡፡ ስሜታዊነት በግለሰብ ደረጃ እንኳ ምን ያህል ጉዳት እንዳለው ሁላችንም በሚገባ የምናውቀው ሆኖ ሳለ እንደሀገር ይህንኑ አስተሳሰብ ይዘን ወዴትስ መዝለቅ ይቻለናል ብለን ሁላችንም እንደዜጋ ከግለሰብ እስከ ፖለቲካ ድርጅት ያለን አካላት እራሳችንን በመጠየቅ እንደሀገር ከተደቀነብን አደጋ ለመላቀቅ ወደ መፍትሔ የሚያደርሰንን መንገድ ልንቀይስ ይገባል፡፡
በተለይም የሀገራችን የፖለቲካ ድርጅቶች ከዚህ አንፃር አሁን ላይ ሀገሪቱ ከባድ የቤት ስራ እንደሰጠቻቸው በሚገባ ተረድተው እርስ በእርስ ያላቸውን የፖለቲካና የአስተሳሰብ ልዩነት በቀጣይም ሊኖር እንደሚችልና አለማዊ እውነታ ጭምር መሆኑን ተረድተው እንደፓርቲ ጉድለቶቻቸውን በመቅረፍና በጋራ አብሮ በመስራት ሀገሪቱንና ህዝቦቿን ካጋጠማቸው ወቅታዊ አደጋ ለመታደግ ከፍተኛ ጥረት ማድረግ ይጠበቅባቸዋል፡፡ የፖለቲካ ፓርቲዎች መላ ህዝቡን ከስሜታዊነት ነፃ ሆኖ ጥያቄቹም በምክንያታዊነት እንዲያቀርብና ከጥፋት ተግባራት እንዲቆጠብ በማድረግ ትልቅ ኃላፊነት ጭምር እንዳለባቸው ተረድተው አስፈላጊውን እንቅስቃሴ ሊያደርጉ ይገባል፡፡ በርካታ ልዩነቶች ቢኖሩንም ሁላችንም ያለን አንድ ሀገር ብቻ በመሆኑም ሀገራችንን ከጥፋት የመጠበቅ ኃላፊነት የሁላችንም ሊሆን ይገባል፡፡

Thursday, 29 March 2018

በትውልድ ጅረት ያልተዛነፈ ፍትሃዊ አቋም


(በውብዓለም ፋንታዬ)
በሀገራችን ስነ-ቃል ውስጥ እንደ አባይ ገዝፎ የሚጠቀስ የለም፡፡ ፍቅር፣ ናፍቆት፣ ቁጭትና ብሶትን ለመግለጽ በምንጠቀማቸው ተረትና ምሳሌዎች እንዲሁም ዘፈንና እንጉርጉሮ ውስጥ አባይ የላቀ ስፍራ አለው፡፡ በተረትና ምሳሌዎቻችን ወንዝ ወይም ግዑዝ ፍጡር እስከማይመስል ድረስ አባይ ውሃነቱን ትቶ ሰብዓዊ ማንነት ተላብሶ ሲዳሰስ፣ ሲወቀስና  ሲናገር ይታያል፡፡ ከአይበገሬነቱ፣ አባካኝነቱና አስቸጋሪነቱ በተጨማሪ ለጋስነቱና ውብ ተፈጥሮው በስነ-ቃሎቻችን ውስጥ ይንጸባረቃል፡፡

Monday, 5 March 2018

የአስቸኳይ ጊዜ አዋጁን መቃወም፤ ለምን?


(በውብዓለም ፋንታዬ)
ከ2008 ዓ.ም አጋማሽ ጀምሮ በተለያዩ የሀገራችን አካባቢዎች የጸጥታ መደፍረስ ችግሮች ተስተውለዋል። በዚህም የዜጎች ህይወት ጠፍቷል፤ በመቶ ሺዎች የሚቆጠሩ ዜጎች ከቀዬያቸው ተፈናቅለዋል፤ የሀገር ሃብት ወድሟል፤ የጸጥታ አካላትን ኢላማ ያደረጉ ጥቃቶች ተፈጽመዋል። በዚህ ምክንያትም በ2009 ዓ.ም መጀመርያ ችግሩን ለመቀልበስ በማሰብ ለአስር ወራት የዘለቀ የአስቸኳይ ጊዜ አዋጅ ታውጆ ነበር።

Monday, 19 February 2018

“ስልጣን መልቀቅም መምራት እንደሆነ አትርሳ” ኔልሰን ማንዴላ



(በመሐመድ ሽፋ መሐመድ)
በአህጉራችን አፍሪካ እንዳለመታደል ሆኖ በታሪክ አጋጣሚ ስልጣን የጨበጠ መሪ ስልጣኑን በሰላማዊ መንገድ ለሌሎች ለማስተላለፍ ያለው እድል እጅግ በጣም ጠባብ ነው፡፡ ለዚህም ነው በርካታ የአህጉራችን መሪዎች ስልጣን ላይ ከወጡ በኋላ የሚለቁት በመፈቅለ መንግስት አልያም በሸፍጥ ውርደትን ተከናንበው ዘብጥያ በመውረድ ነው፡፡
ይህ የሆነበት በርካታ ምክንያት ቢኖረውም በጥቅሉ ግን አብዛኛው የአህጉሪቱ መሪዎች በተፈጥሮ ሃብት ላይ የተንጠለጠለውን የየሃገራቸውን ሃብት ስልጣናቸውን ተገን በማድረግ እየዘረፉ መኖር ስለሚፈልጉ ነው። የበይ ተመልካች ያደረጉት ህዝቡ ደግሞ መጪው ይዞት የሚመጣውን በቅጡ ባይረዳውም እንኳን ከዛሬ ነገ ይሻላል በሚል ተስፋ መሪዎቹን አንድም በጦር ሃይሉ ስልጣን ግልበጣ፣ አልያም በታጠቁ የፖለቲካ ፓርቲዎች የመጨረሻ እርምጃ ወይም ደግሞ ደም በሚያፋስስ የጎዳና ላይ አመፅ ያስወግዳቸዋል።

Wednesday, 14 February 2018

የሰሞኑ የአለም አቀፍ መገናኛ ብዙሃን ዘገባና አንድምታው


(በስንታየሁ ግርማ)
የኬንያው ስታንዳርድ ባወጣው ዘገባ ኢትዮጵያውያን መኪናመገጣጠማቸው እንደተገረመ ያስታውቅበታል፡፡ ዛዉ ሙሳዩ የተባለው ፀሀፊ በብረታ ብረት እና ኢንጂነሪንግ ኮርፖሬሽን ስር በቢሾፍቱ የሚገኘውን የመኪና መገጣጠሚያ ፋብሪካ ከጎበኘ በኋላ ባለ አንድና ሁለት ጋቢና ፒክ አፕ እና ስቴሽን ዋገን አይነት ቀላል መኪኖችን ኢትዮጵያውያን ሴቶች አሳምረው ሲገጣጥሙ ተመልክቷል። በእነዚህ ኢትዮጵያውያን ሴቶች በየቀኑ ስድስት መኪናዎች ይመረታሉ። ሴቶችና ወንዶች ተቀላቅለው በሚሰሩበት በሌላው ረድፍ ደግሞ በየቀኑ 16 ከባድ መኪናዎችን ማምረት የሚያስችል አቅም መገንባቱን ተመልክቷል።